魚苗孵化了(片段)

咪以為仟國水產變左個戶外實驗室，又尖腳桶，又大圓缸，小圓缸咁😂其實我地在孵魚，孵魚必須要天氣晴朗，之前一直間歇性落雨，搞到太陽伯伯好飄忽，有時全日唔見，有時只見幾分鐘😵‍💫，因為太陽是孵魚的命脈，有陽光才可以比海藻做光合作用，茂盛成長，有海藻才可以給微生物輪蟲食，輪蟲才可以每小時以倍數的繁殖量，咁先夠魚苗的百萬大軍食，但係一百萬隻輪蟲都只係夠每條魚分到一粒，所以要繁殖以千萬計的輪蟲先夠魚仔食一日😄

今次我地係孵化黃立鯧，種魚已經有5-6歲，孵魚一年只有一次機會，今次已經係我地第4次成功孵化了，自從疫情之後香港幾乎買唔到魚苗，如果要香港漁業持續發展的話，自己孵化魚苗係相當重要的一環，魚仔在香港土生土長會更加適應香港水質，仲會健康啲添！為迎接這些每次都數以百萬計的『正宗香港魚』，我地將會專為孵魚開發一個孵化繁殖場，已安排好過來參觀的學校、團體和各大企業，要你地等咗咁耐真係唔好意思，而家即刻有得睇啦👍💪